Një peng i mbajtur nga Hamasi në Gaza u vra nga një luftëtar i caktuar për ta ruajtur atë dhe dy gra të tjera peng u plagosën rëndë, tha zëdhënësi i krahut të armatosur të grupit paraushtarak islamik-sunit, Abu Obeida, në Telegram të hënën.

Organizata palestineze njoftoi se ishte ngritur një komitet për të hetuar incidentin dhe do të jepte detaje më vonë.

Forcat izraelite (IDF) thanë se për momentin nuk kanë informacion për pretendimet e Hamasit dhe nuk mund ta konfirmojnë apo mohojnë lajmin. Ata do të vazhdojnë të hetojnë besueshmërinë e mesazheve, thuhet në deklaratën e tyre.

Militantët palestinezë kapën 251 pengje gjatë sulmit të tyre të 7 tetorit në Izrael që shkaktoi luftën në vazhdim, 111 prej të cilëve mbahen ende në Gaza, megjithëse ushtria izraelite thotë se 39 kanë vdekur./abcnews.al